Tuesday, July 18, 2006

Salvete amici amicaeque

De mundano certamine pedifollico actum est! Permagnum atque iucundissimum spectaculum factumst, nonne? Revera me aliquantulum avertisse ab hoc ludo exiguo tempore atque exiguo studio gaudentem dicere debeo. Quae enim seiunctio ullo modo hoc firmabatur, quod meo iudicio in pedifollico mundo nimia argenti vis atque vitae ostentatio humilibus operariis simplicibusque civibus eis, qui magnam partem societatis constituimus, monstratur atque ostenditur. Saepissime enim in televisificis programatibus necnon praeclaris ephemeridibus nonnulli lusores apparent, qui de humanis atque divinis opinari necnon asseverare rogantur, et qui de quibuscumque rebus -parvis sicut maximis- eorum sententias, quae immerita auctoritate saepe gaudent, dicunt, ita ut bene crederes follem pedibus movere atque pulsare maioris momenti quam medicinam aut magisterium aut politicam exercere, verbi gratia, esset. Immo vero etiam, saltem melioribus salariis (et prope sociali existimatione) vere gaudent, pro Iuppiter!
Egone in lusores pedifollii loquar? Minime! Veniam peto, si quem offenderit...
Sed mundani certaminis tempus tandem adventumst! Ecce optimae manus ad pugnandum paratae! Ecce Hispanus grex ad totam victoriam -sicut semper- paratus! Et, o miraculum, omnis repulsio advolavit, evanuit...Et denuo eorum lusorum nomina, quae adhuc paene cognita mihi sunt, familiaria atque percognita fiunt. Et non tantum lusorum sed etiam manuum ducum necnon iudicum nomina...
Nonnulla certamina enim una cum filiis, uxore absente -cognita causa- a me visa sunt Scientia pedifollica ea, qua ego a iuventute gaudebat, paene ad bene cernendos iudicandosque lusorum motus valet. Sed filius minor ad auxilium advenit, filius in hac scientia peritissimus valde...
De huius certaminis manibus, quid dicam? Pergratissimae mihi fuerunt Mexicana necnon Argentina. Italiana manus tantum mihi placuit (sed valde) in certamine eo, quod cum Germania commisit. Brasilianus autem numquam grex, plurimi praeclarissimi solitarii lusores esse videntur...
Francogallica manus optima fuit, vere optima inter omnes. Etsi aetate paulaulum provecta esse dicebatur, manus solida, composita, velox atque vi referta apparuit. Adeo valida fit ut sine custode portae ludere sibi permittere possit: Barthez quidam utri manui faveat interdum incertum...
Et de Italica manu, quid? Eximia atque formidabilis, sed non paulum a Dea Fortuna iuvata facta fuit, nonne? Quid enim aliud dici possit de vulneratione illius Viera, viri inexpugnabilis atque infatigabilis, creatoris atque ordinatoris omnis Francogallici ludi? Quid de vulneratione optimi Zidane, imperatoris mundani muneris pedifollici? Quid tandem de absurdo evento eo, quod maculam non parvam historiae maximi lusori decem annorum recentium ponere valuit? Et cum de eo loquamur, non alienum forte videbitur nos cognoscere temptare quid atque qualia verba defensor Italicus nomine Materazzi lusori Francogallico dixerit: non parvi momenti fierent, pro Iuppiter, dum cogites Zidane coram 1000 milionibus spectatorum hoc prostremo certamine in eius muneris pedifollici versari et hora illa qua manus Francogallica ad Italicam vincendam parata atque apta esse videretur! Sed Fortuna omnia regit...
Ceterum tantum atque talem lusorem hoc lamentabile necnon abominandum spectaculum tantis spectatoribus -etsi unum tantum fieret- praebuisse pertriste mihi factumst. Amare, amarissime discessus, pro deum atque hominum fidem! Qua re egomet, is qui bonos atque dulces fines amo, facere non possum quin parvum obsequium tali eximio lusori tribuam: videte ergo, amici amicaeque omnes, has imagines illius retis violationis, quam noster egregius lusor quodam in certamine Europaeo, manui societatis Real Madrid favens, miratis omnium spectatorum oculis praebuit. Spectaculum pucherrimum nimis, pro Iuppiter!
Et de Hispanica manus, quid? Optima incepta, pessimi exitus, sicut semper fit, nonne? In Hispania versantur optimi terrarum greges, eis lusoribus praediti, qui maximam vim argenti atque famam obtineant: frustra. Mundanis in certaminibus numquam athleticis Hispanis quid gloriae tribuerunt. Nihil refert: in proximo certamine victores (risum teneatis!) procul dubio erimus...!
Ceterum mihi atque permultis Hispanis civibus mundanum certamen hoc profuit, quod per dies nonnullos quicumque clamare potuit "Euge Hispania!!", "Hispania victrix!!" et quaedam alia similia nullo magistratu impediente neque obiurgante. Immo vero etiam, plurima Hispana vexilla viis atque in plateis videri potuerunt et, o miraculum, nemo ea portans "fascista" appellatus fuit. Nesciebatisne hic in Hispania multos aegerrime ferre cives Hispanos se Hispanos dicere? Nesciebatisne hic in Hispania magistratus quosdam -et non paucos- numquam verbum Hispaniam dicere? Nesciebatis hic in Hispania permultos semper in hac civitate, numquam in Hispania dicere? Facete dictum!: Europaea civitas cuius urbs capitalis nominatur Matritum non Hispaniam, sed in hac civitate multis Hispanis, eis quos historiae atque factorum Hispanorum pudent, semper nominatur. O tempora, o mores...! Omnes -etiam hi nefarii magistratus- per tempus quod certamen pedifollicum mundanum duravit, Hispani fuimus; certamine confecto, iam non Hispani, sed Catalaunienses, aut Vasconici, aut...sumus, aut, ut melius dicam, nonnulli nequissimi magistratus, ei qui eorum commoda et ambitionem atque amentiam favent, bene vellent Hispanos cives, vice coniunctos atque benigne atque pacificam vitam degentes, odio atque invidia motos, animos invicem exasperare...
Sicut praeclarus scriptor Hispanus nomine Larra dixerit:"scribere in Hispania plorare fit".
Proximum mundanum certamen pedifollicum vere exoptamus ut omnes denuo Hispani simus, dummodo etiam tum-magistratibus volentibus- Hispania civitas supersit...
Valete, amici amicaeque

2 Comments:

At 4:24 PM, Anonymous Anonymous said...

They are so rich in color and so exquisitely http://startso11.info/bieganie.html blended.. There's a porch to cross after you go up the steps--does it say anything about that? It says that the card should be placed on http://startso11.info/www.stolarka.kasprzyk.pl.html the servant, Abner reiterated, doggedly.. This dream he almost http://startso11.info/noweprogramy.pl.html analyzed himself.. The analogy of our Cons. http://startso11.info/rl+33+eams+forum.html. We may reject the first possibility, as the principle of pain also manifests itself as a regulator for the emotional discharge of the second system; we are, therefore, directed to the second possibility, namely, that this system occupies http://startso11.info/www.gry.pllll.html a reminiscence in such a manner as to inhibit its discharge and hence, also, to inhibit the discharge comparable to a motor innervation for the development of pain.. Indeed, the fading of memories and the flagging of affects, which we are apt http://rebestal.info/czy+majac+dlugi+mozna+legalnie+wyjechac+z+kraju.html to take as self-evident and to explain as a primary influence of time on the psychic memories, are in reality secondary changes brought about by painstaking work.. Brown stood upon the steps anxiously awaiting http://startso11.info/ko%C5%84c%C3%B3wki+stomatologiczne.html the return of her liege lord.. They all http://rebestal.info/cb+radio+warszawa.html stared at him.. The dream is then a http://startso11.info/nierdzewne+%C5%9Bruby.html sign of pregnancy.. There were not many companions for me of my own age, and they gradually left me, or, at least, had not a hearty sympathy with me; for if they http://startso11.info/Vincent+van+gogh.html teased me I pulled out my spectacles and surveyed them so seriously that they acquired a kind of awe of me, and evidently regarded my grandfather's gift as a concealed magical weapon which might be dangerously drawn upon them at any moment.. What do you mean? she http://startso11.info/www.active+shop.com+pl.html gasped.. In speech the http://startso11.info/Jam+Jest.html same word would be pronounced loudly and deliberately and with emphasis.. But, my http://startso11.info/filmy++++kradzieze+w+sklepach.html dear, my wife said, gravely, she doesn't know whether they've had the measles or not.. Somebody's coming, Ross muttered, http://startso11.info/przybylska.html hoarsely.. Yes, yes--and it's http://startso11.info/evident.html very odd, considering how often I've bolted , nights.. So have and have not I. http://startso11.info/weso%C5%82e+zyczenia+slubne.html. From certain motives I, however, choose a dream of my own, which appears confused and meaningless http://rebestal.info/darmowa+gra+dragon+ball.html to my memory, and one which has the advantage of brevity.. Reaching out her hand, http://startso11.info/www.scat.compl.html she checked the beast.. Watkinson? And it's quite sure I am, sir, replied the man, when I first came over from the ould country I lived with them awhile, and though when she saw me to-day, http://startso11.info/SUTERENA.html she did not let on that she remembered my doing that same, she could not help calling me James.. Morland, how very fluent she is http://startso11.info/psychoedukacja.html in French; and she has only been learning eleven quarters...

 
At 12:29 AM, Blogger glossarium said...

Salve amicus! Placet me multum videre unum blog scriptus in latina lingua. Vale.

 

Post a Comment

<< Home